رغم حياتهم الصعبة بيلعبوا بيفرحوا ويبتسموا ويضحكوا من قلوبهم،كنت ماشية فى الشارع ده وبفكر وبفكر كتير فجأة شفتهم وقفت ووقف عقلى كمان عن التفكير ،لأنهم دخلونى معاهم فى جو المرح والبراءة اللى رسموه لنفسهم .
فى الشارع ده كانت والدتهم قاعدة على الرصيف وماكانتش بتمد إيديها إطلاقا لكن كانت بتقبل أى مساعدة هى كبيرة فى السن وواضح عليها علامات المرض والكبر والبؤس،والبنوتين الحلوين دول كانوا بيلعبوا جنب الشجرة زى الملايكة زى ما انتوا شايفين (:
لما شفتهم كنت مترددة مابين إنى أمشى وألا أصورهم الأول لأنى خفت أجرحهم،وقررت إنى أستأذن من والدتهم وهى رحبت جدا وسمحت لى أصورهم فوقفوا بنفس الشكل اللى انتوا شايفينه وبابتسامتهم اللى بجد تمحى هموم وترسم أفراح.
كان يوم حقيقى ما يتنسيش ،والصورة دى من أجمل الصور اللى صورتها،أكيد كلنا بنحب الأطفال ،لكن لما نشوف أطفال ظروفهم صعبة ..أطفال شوارع بؤساء ،بيضحكوا ويلعبوا وناسيين كل الهموم اللى عندهم ،لازم نفرح ونتفائل ،ونشكر ربنا من قلوبنا .
من وجهة نظرى مشكلة زى مشكلة أطفال الشوارع بالظبط زى أى وباء أو مرض بيخوف ناس كتير ...أحيانا كمان بعتبره عقاب من ربنا لكل النفوس اللاهية علشان لما نشوفهم تعبانين موجوعين أكيد هنتوجع بسببهم وده فى رأيى عقاب من ربنا ،لكن لما نشوف البراءة دى كلها والفرحة دى فى عيونهم ..لازم نشكر ربنا على إنه وهب لينا فرصة نشوفهم فيها فى الحالة الجميلة دى.
أنا باعتبر نفسى مسئولة عنهم ،وهدفى الأول وإن لم يكن الأخير فى حياتى إنى أعمل حاجة لكل أطفال الشوارع وأساعدهم على حياة آمنة هادية ..مستقبل أفضل ..واللى بيساعدنى فى تفكيرى إيمانى بربنا وإخلاصى لقضيتهم...
أتمنى إننا كلنا نعتبر نفسنا مسئولين عنهم ،وما ننساش إننا فى يوم هنتحاسب على الأطفال دول لأن كل واحد فينا عنده قدرات وإمكانيات معينة يقدر يعمل بيها كتييييييييييير علشانهم ،ربنا هيحاسبنا عليها ويسألنا عملنا إيه؟
بس حقيقى جميل جدا لو اهتمينا بيهم وحسينا بيهم لمجرد إننا كلنا إنسان مش علشان حساب ربنا وبس .
ده جروب عملته علشان أطفال الشوارع ...هنا هنتناقش أكتر وهنحدد أهداف معينة كل فترة وأكيد هنقدر ننفذها لأن الجروب نجح جدا السنة اللى فاتت فى تنفيذ أهداف كتير ،والسنة دى كمان عايزين نكمل ونحقق أهداف أكتر ....عايزين نحمى الطفولة البريئة ونحفظ لها حقوقها فى الحياة ........
ورمضان كريم ((:
هناك 9 تعليقات:
السلام عليكم
اول تعليق ولا ايه
اشوف وارجع تانى
تمام
انا اول
تعليق
والتانى كمان ياجدعاااااااااااااان
موضوع جميل قووووووى احيك عليه ياقمر
هم ليسوا أيتاما فاقدى الأهل و كذلك ليسوا أطفال مؤسسات الأحداث الذين أرتكبوا جرائم تتم معاقبتهم عليها و هم ليسوا لُقطاء كذلك .. بل هم أطفال مشردين ليس لهم عائلة أو لفظتهم عائلاتهم .. فغالبا ما ينفصل الأب و الأم و يتزوج كلاهما أو يهجر الأسرة و يترك الأطفال بلا مأوى أو عائل أو أى شىء فى الحياة
و للأسف هذه الفئة من المجتمع لا تلقى أى إهتمام مثل الأيتام على سبيل المثال .. إنها فئة منسية تماما ...
و يهدف المشروع إلى رعاية هؤلاء الأطفال من جميع النواحى .. دينية , أخلاقية , ثقافية , صحية ... إلخ .. من أجل تحويل كل طفل إلى فرد صالح فى المجتمع بدلا من أن يتحول إلى قنبلة موقوتة قابلة للإنفجار ...
ياريت كل اللى يقدر يساعد باى حاجه
وجزاكم الله عنا كل الخير
تعددت اسباب وجود اطفال شوارع ... ما هو الحل هل الحل ان نشرح اسباب وجودهم عند كل مناسبة ام نضع خطوات قوية لانتزاع هؤلاء المساكين من الشارع و تغيير حياتهم لينفعوا انفسهم و بلادهم .. خاصة و ان الطفل بهده الطريقة تعود علي البيع بيع كل شيء و اي شيء و النتيجة سيأتي اليوم ليبيع دينه و بلده ...ضوء احمر كبير لنتكاتف و بسرعة لخلق حل سريع و لا نقول ننتظر الدولة ..لان هدا الامر يعني كل مصري .. فكروا معي يا اخوان الحل اييه ..!!!
انا من وجهة نظرى
ما رايكم يا جماعة لو ننشأ ادارة تتولي جمع مبلغ ضئيل من كل مصري و مصرية لانشاء مجمع لايواء هؤلاء المساكين ومجمع متكامل داخلي شامل الاقامة و الدراسة و العلاج لنأخد بايديهم و نصلهم حتي للتعليم الثانوي .. ثم ينطلقوا ليتولي المركز بعد دلك رعايتهم المعنوية و المادية .. لا ادري هل هدا مناسب ام لا المهم اريد خطوة عاجلة يا جماعة للننقد ابناء شعبنا من الضياع بهدا الشكل ..ارجوكم فكروا معي في حل عملي و سريع
مودتى
ايناس
موضوع اطفال الشوارع ده بالذات كبير جدا
واسبابه متشعبه
لان فى منها الأسباب الدينيه لان معظم الموجودين فى الشوارع من ابناء التصرفات المحرمه
وكمان مجتمعيه لان كل مجتمع لازم يكون قادر انه عالج الجزء الموجود جواه قبل ما يستشرى ويكون ظاهره
وكمان فساد
للاستغلال السىء لهؤلاء المشردين فيما لا يقبله عقل او منطق او دين
وغيرها من الأسباب
تحياتى دوما
عاشقة الأحزان ايناس
نورتى المدونة بزيارتك الجميلة
وكومنتاتك الأجمل((:
مشكلة أطفال الشوارع زى ما كتبت فى البوست بعتبر نفسى واحدة من الناس اللى ربنا هيخليهم سبب انهم يعملوا حاجة للأطفال دولوأتمنى انى أقدر بجد
أنا معاكى جداااااااا فى اقتراحك وياريت تشرفينى بانضمامك للجروب بتاعى عالفيس بوك هناك هنتناقش كلنا وهنقدر ننفذ كل اقتراحاتنا وربنا معانا
سلامى ليكى يا حبيبتى وكل سنة وانت بالف خير
الأزهرى
ميرسى جدا على زيارتك ومتابعتك للمدونة
وعلى رأيك واهتمامك بالموضوع لأنه فعلا يستحق إننا نهتم بيه جدا
وياريت تشرفنى فى الجروب بتاع أطفال الشوارع ع الفيس بوك واكيد آرائك هيكون لها دور كبير هناك
كل سنة وانت طيب وبخير داااايما
كم واحد زيك ياحنان
كام واحد ممكن يفكر فى الغير فى الناس دول بالذات
قليل ولان قلبك ولان يعرفك يعرف أد ايه انتى حد جميل ومليان احساسيس جميله
فمش مستغرب
تحياتى وانتظر منك احاسيس اخرى
إرسال تعليق