في جروب على الفيس بوك اسمه حلمهم لأطفال الشوارع .
الجروب ده لشباب وبنات اهتموا بقضية أطفال الشوارع وهيعملوا مؤسسة اسمها حلمهم في عندهم خطط كتير هينفذوها من خلال المشروع ده.
هم حاليا محتاجين متطوعين علشان يتبنوا معاهم الفكرة في ناس كتير اتطوعت وناس كتير مؤسسة معاهم للفكرة .
ياريت كلنا ننضم وعلى فكرة التطوع مش هيكون فيه أي مسؤلية .
دور المتطوع هيكون في حضوره للاجتماعات الللي بتتم كل شهر في مكان بيحددوه وده من خلال الايميلات اللي بتوصل المتطوعين.
ياريت نكون ايجايبين مرة في حياتنا ونعمل حاجة في القضية دي لانها مش قضية بسيطة ولا صغيرة ده مستقبل طفل بيكبر ويكون شاب وانسان مسئول بايدينا نخليه انسان صالح أو نخليه انسان فاسد ومجرم.
كان ممكن جدا يكون حد فينا مكانهم لولا اختلاف الظروف والبيئة المحيطة بينا.
وعلى فكرة انا اتكلمت مع ناس كتيييييييير منهم معظمهم كانوا عايشين في بيوت وعندهم عيلة وناس تحبهم وتخاف عليهم.
ياريت كلنا ننضم لمؤسسة حلمهم ونحاول نعمل اللي نقدر عليه .
للانضمام كلنا بنبعت البييانات المطلوبة على الميل ده
:their_dream@hotmail.com
ربنا معانا كلنا ونقدر نوصل مؤسسة حلمهم لأطفال الشوارع للنور ويكون لينا دور ايجابي تجاه أطفال الشوارع.
ليست هناك تعليقات:
إرسال تعليق